嘉莉森林的童話

日期: 3月6日2007年

工作實在令人忙到無心機、無覺好瞓、無啖好食~
好多想寫，但都無心機寫~

但係結婚 3 週年紀念點都要先記錄一下，這是重要的回憶啊~

大堡主早就 book 咗位去食 ” 盛八” 日式燒烤。Mori Hachi Yakiniku
“盛八” 日式燒烤位於銅鑼灣，店內的裝修都幾好 feel 架~

大開個 menu ，嘩!!   好多野想食呀~
每碟既份量不多，所以都 order咗 2 轉~

信洲和牛 (配菜:南瓜、大蔥、冬菇、小青椒) $148 (是日精選優惠)
還記得信洲嗎~  是我們上次去日本的輕井沢便是位於信洲了~
今晚剛巧有 promotion ，所以order 咗一客，很肥美呢~
雖然不是入口即溶，但也很林，很有牛肉味~

特選厚切鹽燒牛舌 $78
小堡主人生中初嘗牛舌，戰戰兢兢，幸好其賣相像牛扒，沒有脷胎，否則 … 會即刻嚇死當場~
燒好的厚切牛舌很香，口感爽，好吃啊~

梅子雞腿肉 $58
滑滑既雞腿肉，有淡淡既梅子味，味道很特別~很開胃呢~

盛八腸 $58
用小砵子製著紅紅的豬大腸，下層是洋蔥
紅紅的豬大係己經煮熟咗，味屬辣。調味做得不錯、也很入味。
只需在火爐上烤至表面微脆便可以吃了。烤香了吃好野味呢~ 
豬大腸口感軟軟的，很 juicy~

烤洋蔥也很好吃，只是很容易烤焦~

烤大蒜 $28
是大堡主同事推介既~
大蒜上有香草牛油，不過好難烤得佢諗需要至少烤20-30分鐘，
所以要放在爐邊慢慢烤~ 但要記得閒要搞下佢，否則好易燶~
不過烤咗好耐都未係好諗~

海鮮拼盤 (有長腳蟹、大蝦、巨型線貝、蜆) $ 188

日式炭燒長腳蟹 - 係小堡主至愛，但這個長腳蟹沒有蟹味，只有咸味，令人有點失望，還是在日本吃到的好得多。

大蝦 - 很新鮮，大蝦背釀了 香草牛油。其中一隻蝦被我們燒得過熟一點，所以乾了點，
             哈哈哈~ 無法子啦~ 掛住影相麻~  另一隻卻烤得剛好，所以蝦肉很爽甜多汁，yeah!!

巨型線貝 - 真的很大件肉，很鮮甜，只是裙邊比較韌了一點~
蜆               - 很咸，沒有蜆味~  Oh~ No~

盛八特色野菜沙律 $48
各式雜菜、椰果、蘆薈、脆脆… …，最特別係個沙律醬，
是蛋黃醬 加 少許 wasabi，甜甜地帶點芥末味，很 fresh

柚子綠茶 @$44
柚子茶加入了 soda，有豐富既柚子味，不太甜，味道剛好，係一個很正既的選擇~

味自慢牛肋骨炮飯 $63
個湯好香、好有牛肉味~ 仲有煮到很諗甜既白蘿蔔、牛肋骨、蛋、冬菇絲。
食完感到很滿足~

柚子雪糕 $ 18
原本我地最想食既係 “盛八淇冰” 可惜已經售罄，好失望呢~ 
售罄?!  甜品很重要的麻~

沒有 “盛八淇冰” 食，大堡主order咗一客柚子雪糕，小堡主卻沒有其他的心水 (死心眼啊>.<)
柚子雪糕柚子味夠，帶點牛奶味，但是我還是覺得柚子用來做雪葩是最好吃~

細細碟~  唔覺唔覺咁完來都食咗好多款，加埋一，
埋單都要 $804
不過都食得好開心~

席間大堡主送我一袋相片作禮物~ 是什麼的相片，咪我地平日/旅行拍下的搞笑照片 law~
Yeah!! 等咗咁耐~ 我家中的兩個壁佈終於可以換新相 lu~

小堡主:  依~ 點解你唔揀 d 影得我好樣 d 架呢?
大堡主:  唔係 bor ~ 我覺得這些相好 cute  架 !!!

我相信大堡主絕對唔會是旦揀d相曬的，
因為我地個computer 相庫存內既相片量都真係有好大量既相，
而佢揀既都真係表情多多個 d 相。

所以話每個人既審美眼光都係好主觀既~
真係各花入各眼~  唉!!!!!  搞到我都知應唔應該張d相貼上壁報上… …