Holiday Mood@ Reflexion
2 Jan 2007
雖然已經開始返工， 不過 Holiday Mood 久久不散個，心就早已散咗~
返到公司收到 Ex-Bose EY 送給我既 Birthday Gift，真係好感動!! 因為我已經無幫佢手3-4年，而且佢係 2006 年尾時已經離開咗公司架啦~ 但佢年年都好記得我既生日~
反而我 e+ 4個老闆唔會記得架~ 因為我地公司興 cut cake 既，即係全公司上上下下一齊對住你唱生日歌 Cut cake 慶祝個隻。D老闆們通常都係 cut cake 既時候先會問係邊個生日，不過因為我好怕廿幾個老闆 & 同事對我住一個唱生日歌，感覺真係好鬼懢介! 所以我試過2次之後，早已命令好同事RL 唔好幫我係公司 cut cake … (但我就一定幫我老闆搞生日cut cake，因為我可以選擇 order 唔同 Hotel 既靚 cake 吖麻~ 呵呵呵
)
放咗工，同大堡主去咗銅鑼灣，諗起好友-太醫哉哉 之前推介既 Reflexion，決定同大堡主去試一吓~
Reflexion 既位置真係唔講唔知佢既存在，加上時間已經係 9:00pm ，所以客人唔算太多，感覺都幾好架~
價錢唔算貴，最貴個 set 都唔駛 $200 再+ 10%，以咁既價錢，加上佢地既食物水準，真係算做唔錯~
我同大堡主每人order 咗一個 Winter Menu 2006 - Set Dinner:
煙三文魚凱撒沙律 - 我本身麻麻地喜歡食煙三文魚，但這個真的很不錯呢~
… … 見內文
易膳肪什菜沙律 - 係哉哉推介既~
這個沙律特別之處係佢個沙律汁 - 是用雜苺打成的，很有新鮮感，好好味、好醒胃!! 有新意 我鍾意!!!
秘製龍蝦湯 - 這個湯味道夠，但口感比較稀，個人覺得 pizza hut 的酥皮龍蝦湯好味d~
日式照燒澳洲和牛 配 秘製香蒜汁(5成熟) - 肉質很嫩滑，很有牛味，正!!! 加上醋香蒜汁，嘩~ yummy yummy!!!
肉眼扒配紅酒玫瑰草汁及有機薯仔和新鮮青菜 (七成) - 肉眼扒真的煎得外脆內軟，和紅酒 rosemary 汁配合得很好，如果唔係 over 咗 七成就更加正喇!! 配菜都唔少架~
餐飲 coffee or tea: 我地order 咗Swiss Coffee - 個 coffee 很香，濃度亦適中，係意料之外的好~
最衰係已經太飽~ 如果唔係可以試埋佢地既甜品~
Wu~ 好滿足的一餐~
(0)