大堡主由12月22日開始放假到2007先返工，放假放足11日，係屋企睇電視跟廚神周中師傅學廚藝，小堡主有幸做咗 “白色米奇” 
。
周中師傅在電視節目教整 “烏龍茶雜菜”，家裡沒有烏龍茶，大堡主就改咗用玄米茶整，味道到唔錯，好香茶味，仲有D日式 Feel tim~ 不過我相信佢用我咗唔少茶葉 … … 
玄米茶雜菜﹕有肉碎、粉絲、紹菜、生菜 &青瓜，最特別係大堡主自己用飯炸出來既 “鍋巴”，味道都算 ok架，真係估佢唔到 (佢話因為找不到 “暴暴飯焦”，所以先要親自出手)，都算整得幾好味啦~ 
玄米茶雜菜
今年聖誕節，小堡主的朋友因為有宗教活動所以提早23/12 來城堡開 Party。大堡主的朋友就約來約去都唔齊人，最後決定31/12來城堡倒數迎新年。
所以 25/12 就約咗大堡主的弟弟們上來一齊玩。
大堡主見聖誕佳節，所以又想當大廚。
半燒雞﹕佢用咗新方法煮整新鮮雞: 先用熱鹽水浸熟隻雞，再入爐焗。這個方法隻雞肉好滑，又好入味，但個皮就無燒雞做法咁香脆，整體個味道都唔錯架~
23 Dec 2006
大、小堡主最喜歡聖誕節，小堡主每年都會係屋企佈置一番，聖誕節同d老友、家人開開 party。
去年聖誕節因為老朋友在台灣結婚才沒有在家裡開 party。
原來老友們都很喜歡來我家過聖誕節，佢地話好有聖誕氣氛，所以今年仲指定要來~ 讓他們 1 歲多的兒子 - 羲羲來感受一下聖誕氣氛。不枉我年年都佈置，總算有點作用。
1 歲多的羲羲雖然是第一次來我家，但很快已經熟識環境，大概是我家四處都是玩具的關係吧。
羲羲還會自己推房門入房找尋會說話的 keroro、乖巧的伏在按摩咕臣上玩、掛吓、除吓聖誕襪呀咁… … 玩得好開心，仲笑足成晚，個樣仲好甜tim。 Danise 也真是教仔有方，1 歲多的羲羲自己玩完玩具後，還會自己收拾好，真真叻仔!!
老友D 突發地問: “你今年又買新聖誕樹??”
啊~ 沒有啊~ 講開這棵聖誕樹，大家有所不知，它我大約是 9-10年前在學校的慈善賣物會買回家的，家中的聖誕裝飾怎少得聖誕樹? 大家每年來交換禮物也是會放在樹下的啊~
這個金菇牛柳卷，是大堡主襯我放工去咗做 facial 時佢靜靜雞整的，待我做完 facial call 佢時，佢就話: 你仲唔快d返黎食飯~ 哈哈~ 好似 我媽咪咁~
同大堡主講電話之前，其實同88 傾計& say Happy Birthday，88 都有問大堡主有無煮飯呀? 當時我仲答佢無呀。因為估唔到大堡主這晚會下廚。
金菇牛柳卷係我最喜歡的食物之一。這次已是大堡主第2次整比我吃，想回起來，上一次大概已是7年前的事吧，那時初初拍拖不久，也是大堡主第一次親手整比我吃的菜式(當年佢係請奶奶教佢整)，當時連奶奶也吃醋的說: 佢咁大個仔都無整過野比我食呀~ 當年還是人家女友的我當然也要識做啦~ 靜雞雞叫大堡主先比母親大人吃先~
7 年前的味道已經唔記得，只記得蠻好吃，但今次再嘗這個菜式，卻勾起很多的回憶， 感覺同樣甜蜜
記得 7 年前大堡主媽媽(即是我奶奶)是咁教佢既:
材料:
金菇
薄切的肥牛(即是打邊爐用的肥牛)- 日本牛肉當然最正宗
水
白胡椒粉 少許
獻汁:
日本燒汁 / Sukiyki 汁 約2 湯匙
糖 半茶匙(視乎用的汁的咸度)
水 1 湯匙
麻油 少許
做法:
1) 金菇切去根部，洗淨後飛水 (水可以加小許白胡椒粉)，這樣可以去除菇既 “Up” 味。略乾水份備用。
2) 打開長形的牛肉薄片後，在一端加入適量金菇，卷好。牛肉大約蓋過金菇3/4。
3) 用平底鑊先煎香牛肉卷表面煎香至少許金黃。
4) 將獻汁材料攪均，加入鑊中，小火加蓋約煮1分鐘至牛肉剛熟便成。
22 Nov 2006
這個 咕嚕蝦球 看來不錯吧!!! 味道剛剛好，蝦很新鮮，很彈牙，很好吃呢!!!
個晚回到屋企，見大堡主買咗d大大隻既九節大蝦，告訴我: 今晚整咕嚕蝦球，再將個蝦頭做椒鹽蝦頭~
嘩嘩嘩~ 事關大、小堡主很喜歡酸甜同香口既食物，所以即時食指大動，真係口水流~
第一次弄大蝦的大堡主，竟然知道要挑蝦腸。第一次炸野的大堡主又竟然懂得問是否要用炸漿 or 炸粉之類的問題 … …好似好有 sence 咁~
原本小堡主想幫手脫蝦殼、去蝦腸，但大蝦其在太新鮮，脫蝦殼的過程中會突然大力跳動，小堡主被 d 蝦嚇得尖叫，很專心挑蝦腸的大堡主卻被小堡主的尖叫聲嚇親了 
大堡主又有驚喜~ 竟然會諗到將個蝦頭整椒鹽蝦頭~ 原本不吃蝦頭的小堡主也被這個椒鹽蝦頭吸引吃了3大個~
好野味啊~ 這椒鹽了的蝦頭，沒有了平時蝦頭的腥味，好正~ 但膽固醇很高了~
大堡主煮再今多晚，小堡主都係時候又要比d貢獻，不過卻失敗了…………(見內文)
15 Nov 2006
無錯!! 又係大堡主的”堡主私房菜” 的報導，今日大堡主無咩 idea 今日整d咩，所以我提議佢可以試下整 “蒸水蛋”，要整得靚都好有難度架~ 不過大堡主第 1 次整都真係好有水準，夠滑又香，送飯一流，好正呀~
其實每日工作完還要買送、煮飯都幾趕架~
今晚我同大堡主的放工時間都差不多，但我早佢15分鐘返到屋企，唔想佢太辛苦，所以今次我要出手啦~
小堡主的豉油雞翼~
還有大堡主的~炒唐生菜
罐頭羅宋湯 & 野味臘腸飯
兩個人一齊煮飯仔，好開心啊~
(1)