Bread with Angry Eyes
這個吉士忌廉包既麵團係我打既，但因為今堂係分組做 & 焗，令等候入爐既時間長咗好多，加上亞sir 曾幫d包醱酵，引至這個包包醱酵過度~
包包醱酵過度係會點架呢? 這個包醱酵過度，體積足足增大咗足足1.5倍，當塗蛋汁的時候包包好容易會謝(泄咗氣)，味道也會變酸。醱酵過度既酸不是一般既酸味，而是入口後，你會感到輕微的刺激，很搶喉的感覺，吃後喉部會有輕微的不舒服。這是我的親身感受~
包的口感都算柔軟，但味道搶喉，老實說有點失望~ 不竟個麵團係我打架麻~
但換個角度去諗也算是有所得著，起碼知道個包醱酵過度會是如何的呢~
今堂開始分組打麵團，即係自己組員打自己組既麵團，自食其果咁話。 上咗咁多堂，至難食都係 lee 個包包啦~ 這個南瓜包無南瓜味，本身佢係甜包，但又唔夠甜，仲… 好 “鞋” 口 南瓜既份量加多咗，因為亞sir話有剩唔好浪費。加上南瓜本身會出水既，所以係個製作過程加咗 double 份量既麵粉，亦都因為咁，成個 reciepe 份量既比例變得唔配合，亦不夠甜 … … 質感好 “鞋” 口係因為個麵團打得唔好。這個麵團係同組既 2個”孖寶” 打既 … … (不是我打的) 我和其他組的同學開始熟絡，這堂還即時交換包包試下其他人的成品，又談吓心得咁 ~ 真係很好玩呢~ 鄰組既同學還請我試食佢地既成果(包包)，我將那個包都分比其他同學一齊試食，實在係好食好多law~ 其實我覺得這組同學也是班中打麵團打得最靚的一組呢。真係要向佢地多多學習先得~
尋晚又上堂啦，已經係第3堂，今次係整小麥包、大麥包 & 粟米牛肉包。 唔學過都唔知原來大、小麥包內係無麥既成份架，個包啡啡地係因為加咗d食用色。 大、小麥包的做法係相同的，只是形狀不同
尋晚又有機會出手搓下，不過最後全班都係要亞 Sir 每個都再搓一次… …
小麥包 的內餡
(閱讀全文)
整蛋糕以來未做過 “鮮雜果蛋糕”，今日終於有機會整吓。
奶奶生日，所以整咗佢喜歡既 “雜果蛋糕” 送比佢，我和弟弟各做了一個，弟弟負責做 cake 比佢媽咪(即係我奶奶啦~)。我呢~ 負責買嘢 & 各項準備工作，同埋 試吓加 d 新元數比個cake。
HAPPY BIRTHDAY ar 奶奶~
總覺得 “鮮雜果蛋糕” 除咗 d 生果要靚，d 忌廉要夠好味先得，所以我嘗試在甜忌廉內加入了”雲呢拿籽”， 試吓去令忌廉更好味，較果非常之好，有點像雲呢拿軟雪糕呢。
弟弟做既係比較傳統既 “鮮雜果蛋糕” - 蛋糕片 + 鮮雜果 + 雲呢拿忌廉。都幾靚架~
小堡主做咗個 “迴轉蛋糕” - 朱古力蛋糕片 + 石榴 mousse + 雜果mousse + 鮮雜果 + 雲呢拿忌廉。
點解叫佢做 “迴轉蛋糕”?! 因為小堡主在 “唧花” 的時侯，故意唧得闊一點，加上中間的士多啤梨，嘻嘻~ 看起來有點像 “迴轉木馬” 呢。 不對~ 不對~ 是迴轉士多啤梨蛋糕才對。
內層有一層MOUSSE - 石榴 MOUSSE + 雜果 MOUSSE (熱情果+香蕉+青檸+ ……多到記唔起，味道酸酸甜甜，有香蕉味~)
今晚偷食咗好多雲呢拿忌廉呀，好肥仔喔~
Day 1 香港 > 札榥 > 新札幌 > 中島公園 > Kirin Beer Garden > 薄野 [ 宿 Clair Sapporo Hotel ]
**內文有札幌 Kirin Beer Garden 的 Coupon
(0)
