3 Jan 2007
到咗 3 Jan, Holiday Mood 依然強勁，所以又去咗銅鑼灣~
行行吓望見有麻布茶坊，諗起係秋葉原既美味咖哩烏冬~
“不如食咖哩烏冬囉” 就係咁我地又去吃喝喇~
之前都係金鐘食過 麻布茶坊既 “咖哩烏冬”，其實佢地個咖哩烏冬係得少量咖哩汁加一碗上湯製成既，感覺有D唔湯唔咖哩，所以通常我會要求識員不要放湯改用全咖哩汁~ 都好好味架~
不過銅鑼灣既麻布茶坊就話做唔到全咖哩汁… … 唔係掛?!
不打緊啦~ 咪唔食咖哩烏冬囉~
這個也是很不錯的選擇 - 吉列豬排咖哩溫泉蛋飯 ~ 吉列豬排很脆口啊~ 咖哩加上溫泉蛋 = 咖哩更香濃呢~
… … 見內文
2 Jan 2007
雖然已經開始返工， 不過 Holiday Mood 久久不散個，心就早已散咗~
返到公司收到 Ex-Bose EY 送給我既 Birthday Gift，真係好感動!! 因為我已經無幫佢手3-4年，而且佢係 2006 年尾時已經離開咗公司架啦~ 但佢年年都好記得我既生日~
反而我 e+ 4個老闆唔會記得架~ 因為我地公司興 cut cake 既，即係全公司上上下下一齊對住你唱生日歌 Cut cake 慶祝個隻。D老闆們通常都係 cut cake 既時候先會問係邊個生日，不過因為我好怕廿幾個老闆 & 同事對我住一個唱生日歌，感覺真係好鬼懢介! 所以我試過2次之後，早已命令好同事RL 唔好幫我係公司 cut cake … (但我就一定幫我老闆搞生日cut cake，因為我可以選擇 order 唔同 Hotel 既靚 cake 吖麻~ 呵呵呵
)
放咗工，同大堡主去咗銅鑼灣，諗起好友-太醫哉哉 之前推介既 Reflexion，決定同大堡主去試一吓~
Reflexion 既位置真係唔講唔知佢既存在，加上時間已經係 9:00pm ，所以客人唔算太多，感覺都幾好架~
價錢唔算貴，最貴個 set 都唔駛 $200 再+ 10%，以咁既價錢，加上佢地既食物水準，真係算做唔錯~
我同大堡主每人order 咗一個 Winter Menu 2006 - Set Dinner:
煙三文魚凱撒沙律 - 我本身麻麻地喜歡食煙三文魚，但這個真的很不錯呢~
… … 見內文
聖誕前開始玩，玩到除夕開party，真的很疲倦!!
到了元旦真係好想休息下、休閒d~
已是長假期的最後一天，明天要上班，所以好放縱咁比自己瞓到1:30pm~
新的一年，新的一天，看這天氣很好，天好美~
看見嗎? 一群群的白色小錦羊在飄過來!! 好可愛啊~
30/12/2006
30 號晚同爸爸、媽媽去慶祝，提早食吓飯生日飯~ 玩咗好多日成2個星期無見佢地，真係好掛住~
一見面當然要來個親親啦~
經過商場，嘩~ 好多黃金色既聖火樹同銀色閃閃既 Bear Bear，好耐都無同爸爸媽媽影相，所即刻拍返幾張先!
(相片今晚後補)
話時話，有無人知道點解D長輩話: 慶祝生日，可以預早，就無人會補祝架呢?????
我問過好多人，都無人答 解到，包括爸爸媽媽都唔知點解。
因為我生日實在太近聖誕節同元旦，朋友們又想分別一齊慶祝聖誕節、倒數 & 生日，所以通常都係會過咗聖誕節、倒數先慶祝生日，所以 1月就成為咗我既生日月喇~
p.s. 以前同朋友們會31/12倒數完，第2日又再慶祝生日﹔唔知係咪大家年紀開始大，而有d朋友已經生咗 bb，有小朋友既關係，大家都想擇日補祝 (包括我自己)
哎呀~ 老啦老啦~ 真係可以叫 “老” 朋友啦!!!!
依~ 咪住!!! 我好似又多咗條紋呀~ >.<
(0)
